Laeveld- Nasionale Botaniese Tuin

Plantegroei weerskante van die Krokodilrivier. 'n Voetganger- en padbrug verbind die twee dele.

Die Laeveld- Nasionale Botaniese Tuin is een van nege nasionale botaniese tuine in Suid-Afrika. Dit is geleë by Nelspruit (ook bekend as Mbombela) waar die rivier die Nelspruit in die Krokodilrivier vloei. Die N4-nasionale pad loop deur die noordelike deel van die park.

Hierdie tuin van 160 ha is in 1971 geopen. Tans groei daar 600 plantspesies wat natuurlik in die streek voorkom en sowat 2 000 spesies wat aangeplant is. Amper 650 inheemse boomspesies kom voor. Hier is die grootste versameling broodbome in die land en 'n genebank vir die plante word ook hier bygehou. 'n Wandelpad gaan deur die reënwoud, verby baie clivias en vyebome en 'n kremetartboom, en lei na uitsigpunte oor die stroomversnellings in die rivier.

Bibliografie

• www.sanbi.org